Oct 1, 2013

Kürdəxanıdan məktublar - 8

Bu yazı, Zaur Qurbanlının vəkilinə əzbər şifahi danışması əsasında sonradan vəkil tərəfindən yazı şəklinə salınmışdır
                                      Səviyyə söhbəti

Depressiyaya düşəndə 17 ölkəyə gedib sakitləşmək kimi bir xasiyyətim olmasa da, bir dəfə təsadfən ABŞda olmuşam. Onda da eşşək vurub cənnətə salmışdı, düşmüşdüm Mayamiyə. Amerika xalqının demokratiyaya layiq olmağından filandan danışanda təbii ki, özümüzün iyrəncliklərimizlə müqayisə edirdik. Bizdə camaatın böyük motorlu maşınlar alıb yüksək səsli musiqi ilə şəhərdə avaralanmasından danışaraq Mayamidə gəzirdik. Bir də gördük, bir zənci ( mədəni adamlar onlara afro-amerikalı deyirlər ) bir təkəri bizim maşınlar boyda olan “cip”də “toy kalonkaları” ilə şəhərdə yavaş yavaş gəzir.